الرئيسيةالبوابةمكتبة الصورالتسجيلدخول

شاطر | 
 

 تخيلو انكم مشييين فى الشارع وحصلكم الموقف ده هتعملو ايه

اذهب الى الأسفل 
كاتب الموضوعرسالة
hanyabdy
المديرالعام
المديرالعام
avatar

ذكر
عدد الرسائل : 713
العمر : 32
البلد : مصر
الوظيفة : صيانة الكمبيوتر
النشاط :
0 / 1000 / 100

\"مزاجى\" :
الدوله :
تاريخ التسجيل : 28/02/2008

مُساهمةموضوع: تخيلو انكم مشييين فى الشارع وحصلكم الموقف ده هتعملو ايه   السبت يونيو 21, 2008 5:09 pm

في أسئلة بديهية مالهاش اي لزمة في الدنيا

بنتعرّض ليها كل يوم من كل الناس

خلـونـــا نشــوف أمثلة


* إنت في أوضتك .... على السرير وطافي النور

ومتغطي ييجي أخوك الظريف ويفتح الباب عليك

ويقول : ايه ده انت هتنام ولاّ ايه ؟؟؟

((أظن ده مش وضع الرقص !!! واضح ان انا هنام‎ ))



* انتم معزومين عند ناس ورحتو لبيتهم وأول ما

فتحولكوا الباب يقول

ابنهم الصغير: انتوا جيتــواااااااااااااااا ؟


(( لا لسه‎ ))


* والعكس : انت لابس هدومك و متأنتك و على

سنجة عشرة وريحة البارفان واصله لاخر الشارع ..

وخلاص بتفتح باب الشقة,, يجي حد من أهلك وينادي

بصوت عالي : انت خااااارج ولاّ اييييييييييه

(( لاء دانا لسه راجع‎ !!! ))



* أو مثلا راكب العربية ودوّرتها وخلاص هتطلع ...

يجيلك لك البواب ويخبطلك على الزجاج,, انت بكل

ذوق تفتح الزجاج وتقوله : خير في حاجة؟

يقولك : انت رايح الشغل يابيه ؟


(( لا.. العربية واحشاني‎ ))


* مثلا ماسك سماعة التلفون وقاعد تضغط الارقام

يجي حد من أهلك ويقولك:

انت هتتكلم في التليفون ؟

((لا.. بتفرّج عليه))‎


*ولاّ تعالــو شوفو قنواتنا واسئلتهم البديهية البايخة

برنامج اهداءات يتصل واحد يطلب أغنيه

ترد عليه ست الكوتكوته (المذيعة) بكل خفه

ورشاقة : إنتا بتحب الاغنيّة ديه ولا ايه ؟‎


((لاء.. طالبها اخنق على نفسي‎))


* أو مثلا في العيد


* المذيعة الظريفـة : وياترى بقى هتعملوا ايه العيد ده

هتقضوه ازاي؟‎

أكيد بيبقى زيارات الأهل و الصحاب و تخرجوا تشوفوا

مظاهر العيد في الشوارع و تفسحوا أولادكم

‎(( سبتيله ايه يقوله يارخمة))


*والأسخف بقى ..... الشلل الكبير.. لما المذيعين يكلّموا

الاطفال

يقول المذيع للطفل : إنت بتحب ماما وبابا ؟

يعني أساسي الواد لسه ما طلعلوش عرق الندالة

علشان يقول لأ‎
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hanyonline.forumsmusic.com
 
تخيلو انكم مشييين فى الشارع وحصلكم الموقف ده هتعملو ايه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ابو مازن :: منتدى الترفيه والمرح :: مواقف وطرائف-
انتقل الى: