العيش المدعم ممتاز ويوزع علي البيوت ومتظلموش الوزير

اللهم اجعله خيرآ....... 10

أقسم بالله أن رغيف العيش المدعم زي الفل وزي ما بنشوفه في التلفزيون لما رئيس الحكومة بيزور آي مخبز وآي حد يقول غير كده يبقي لم يتحر الدقة وظالم المصيلحي وزير العيش.
أنا بآكل منه وشكله يفرح وطعمه جميل [img:e545]http://shabab3net.com/vb/images/smilies/larg/7_4_17[1].gif[/img:e545] , صحيح حجمه أقل من المفروض لكنه فاخر جدآ وموجود بكثرة ويتم توزيعه لحد باب البيت لاي كمية يريدها المستهلك بواسطة عربات تريسكل مملوكة لبعض العواطلية تمر في الشارع مرتان في اليوم حوالي 10 صباحآ و 2 ظهرآ.
أنا رحت المخبز أكثر من 5 مرات مخصوص لكي اري بنفسي هل هذا العيش من هذا المخبز الذي يأخذ الدقيق المدعم؟
واحقاقآ للحق........... وجدت أن العيش اللي بيوزع علي البيوت خطواته كالآتي:
1- يخبز
2- يفرد حتي يبرد
3- يعبأ علي الأقفاص
4- توضع الأقفاص علي التريسكلات الموجودة
5- تمر التريسكلات في الشوارع لبيع العيش
6- ترجع التريسكلات الي المخبز مرة أخري لتعبأ بالخبز وهكذا.....

وطبعآ لأن الجنيه غلب الكارنيه وعلشان دي احدي فواتير الانفتاح الاقتصادي الغير مدروس تقدر تشهيص أي حد بأي فلوس فيقولك علي المستخبي بس بعد ما يطمن أنك مش من أخوانا البعدا اللي بيمثلوا أنهم بيقوموا بواجبهم.
المهم ان الولد البياع شك في أمري وقفل بقه فما كان مني الا أني قلت له أن أنا بسأل لأن العيش بقاله كام يوم مش أد كده , فتفضل مشكورآ بالأتي:
يابيه أنا بدفع 10 صاغ في الرغيف علشان يطلع حلو كده ولو مش عاجبك روح اقف في الطابور ساعتين وخد 20 رغيف بس والرغيف قد اللقمة ومبعجر ومعجن.انتهي كلام البياع.
أه نسيت أقوللكم ان سعر بيع الرغيف من التريسكلات 20 قرش بس......
عرفتم بقي الدعم بيروح فين وشفتم بقي أن انتم ظالمين الناس.