الرئيسيةالبوابةمكتبة الصورالتسجيلدخول

شاطر | 
 

 شعر حسنى مبارك اهداء للشعب المصرى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
hanyabdy
المديرالعام
المديرالعام
avatar

ذكر
عدد الرسائل : 713
العمر : 32
البلد : مصر
الوظيفة : صيانة الكمبيوتر
النشاط :
0 / 1000 / 100

\"مزاجى\" :
الدوله :
تاريخ التسجيل : 28/02/2008

مُساهمةموضوع: شعر حسنى مبارك اهداء للشعب المصرى   الأحد أبريل 06, 2008 8:48 pm





غبت كثيرا عن هذا القسم المميز ولكن مع الاحداث المريرة وازمة العيش اللى طحنا الشعب قلت اجيبلكم حاجة كده على الماشى ، بس اوعوا تفهمونى غلط



ياشعبي حبيبي ياروحي يابيبي ياحاطك في جيبي يابن الحلال


ياشعبي ياشاطر ياجابر خواطر ياساكن مقابر وصابر وعال


ياواكل سمومك يابايع هدومك ياحامل همومك وشايل جبال


ياشعبي اللي نايم وسارح وهايم وفي الفقر عايم وحاله ده حال


احبك محشش مفرفش مطنش ودايخ مدروخ واخر انسطال


احبك مكبر دماغك مخدر ممشي امورك كده باتكال


واحب اللي ينصب واحب اللي يكدب واحب اللي ينهب ويسرق تلال


واحب اللي شايف وعارف وخايف وبالع لسانه وكاتم ماقال


واحب اللي قافل عيونه المغفل واحب البهايم واحب البغال


واحب اللي راضي واحب اللي فاضي واحب اللي عايز يربي العيال


واحب اللي يائس واحب اللي بائس واحب اللي محبط وشايف محال


واحبك تسافر وتبعد تهاجر وتبعت فلوسك دولار او ريال


واحبك تطبل تهلل تهبل عشان مطش كوره وفيلم ومقال


واحبك تأيد تعضض تمجد توافق تنافق وتلحس نعال


تحضر نشادر تجمع كوادر تلمع تقمع تظبط مجال


لكن لو تفكر تخطط تقرر تشغلي مخك وتفتح جدال


وتبدأ تشاكل وتعمل مشاكل وتنكش مسائل وتسأل سؤال


وعايز تنور وعايز تطور وتعمللي روحك مفرد رجال


ساعتها حجيبك لايمكن اسيبك وراح تبقى عبره وتصبح مثال



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hanyonline.forumsmusic.com
 
شعر حسنى مبارك اهداء للشعب المصرى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ابو مازن :: المنتدى العام :: كلام الناس-
انتقل الى: